"Болашақ Директорлар кеңесі" ауқымды форсайт-сессиясы аясында Qazaq Independent Directors кәсіби қоғамдастығы ұйымдастырған салтанатты марапаттау рәсімі өтті. Іс-шараның мақсаты – қоғамдастық мүшелерінің Қазақстандағы корпоративтік басқарудың үздік тәжірибелерін дамытуға және ілгерілетуге қосқан зор үлесін тану және көтермелеу.

Орталық депозитарийдің тәуелсіз директоры – Джолдасбеков Азамат Мырзаданович "Excellence in Board Governance" номинациясы бойынша сыйлық лауреаттарының бірі және марапат иегері атанды. Оны тиімді корпоративтік басқарудың негізгі принциптерін ілгерілету бойынша ерекше құзыреттіліктері мен белсенді жұмысы үшін кәсіби қоғамдастық марапаттады.

"Болашақ Директорлар кеңесі" форсайт-сессиясы өзін мемлекеттік органдардың, ұлттық компаниялардың, жеке сектордың өкілдері мен тәуелсіз директорлар арасында ашық пікір алмасу мен тәжірибе алмасудың маңызды алаңы ретінде танытты және елдегі басқару стандарттарын одан әрі жетілдірудің негізін қалады.

Анықтама үшін:

Qazaq Independent Directors қауымдастығы (QID) – 2007 жылы тәуелсіз директорлар институтын дамыту және елдегі корпоративтік басқарудың жоғары стандарттарын ілгерілету үшін құрылған Қазақстандағы жалғыз кәсіби коммерциялық емес ұйым. Қауымдастық сарапшыларды біріктіреді, оқыту мен сертификаттауды жүргізеді және корпоративтік басқару деңгейін бағалау және арттыру қызметтерін көрсетеді.